İlk motosikletini alanlara tövsiyə
İlk motosikletini seçmək həyatında yeni bir səhifənin başlanğıcıdır. Lakin çox sayda model və fərqli xüsusiyyətlər arasında düzgün qərar vermək yeni başlayan biri kimi sənin üçün çətin görünə bilər.
İlk motosikletini seçərkən hisslərinə deyil, rasional arqumentlərinə güvənməlisən.
Seçimini asanlaşdırmaq üçün Motoverse ən vacib 5 diqqət olunmalı əsas məqamı təqdim edir:
1. Sürüş məqsədini müəyyənləşdir!
Motosikleti əsasən hansı məqsədlə alacağını, harada və necə sürəcəyini müəyyən et. Şəhərdaxili tıxaclardan qaçmaq üçün yüngül Naked modellər və ya skuterlər, retro tərz və rahat həftəsonu gəzintiləri üçün Cruiser tipli modellər, asfaltdan kənar yollar üçün isə Dual-Sport sinfi sənin üçün ideal seçimdir. Marşrutuna uyğun olaraq model tövsiyələri dəyişə bilir.
2. Kiçik mühərrikli modellərə üstünlük ver!
Yeni başlayanlar üçün qızıl standart 125cc ilə 400cc arasındakı mühərriklərdir. Bu diapazondakı modellər həm şəhər axını üçün kifayət qədər dinamikdir, həm də qaz dəstəyindəki kiçik səhvlərini bağışlayacaq qədər idarəolunandır. Yüksək həcmli (600cc+) yarış motosikletləri ilə başlamaq tövsiyə olunmur.
3. Ölçü və çəkiyə önəm ver!
Motosikletin üzərinə oturduğun zaman hər iki ayağının yerə tam toxunması təhlükəsizlik və balans üçün şərtdir. Həmçinin, ilk motosikletinin çəkisinin 150–180 kq-dan çox olmaması vacibdir. Bu yerində rahat idarə, park etmək və yıxalanda yerdən təkbaşına qaldıra bilməyinə kömək edəcək.
4. ABS sisteminə diqqətdə saxla!
Təhlükəsizlik texnologiyasında güzəştə getmə. Yeni başlayan sürücülər qəfil təhlükə anında əyləci panika ilə kəskin sıxırlar ki, bu da təkərlərin kilidlənməsinə və qəzaya səbəb olur. ABS (Kilidlənməyə Qarşı Əyləc Sistemi) bu riski minimuma endirir və həyat xilas edir.
5. Mütləq qoruyucu aksesuarlar al!
Büdcəni planlaşdırarkən pulun hamısını motosikletə xərcləmə. Ümumi büdcənin ən azı 20-25%-ni keyfiyyətli qoruyucu vasitələrə, sertifikatlı dəbilqə, motosiklet gödəkçəsi, əlcəklər, ayaqqabılara və digər aksesuarlara ayır. Ekipaj sənin yoldakı ən vacib sığortandır.
İlk motosikletin sənin sonuncu motosikletin olmayacaq. Onun əsas missiyası sənə təhlükəsiz şəkildə sürməyi öyrətməkdir. Öncə professional təlim keç, sonra yolda sürəti hiss et!
