Motosiklet dəbilqəni seçmək üçün bələdçi
Motosiklet sürmək azadlıq, həyəcan və unudulmaz təcrübə deməkdir. Lakin bu həyəcanın arxasında dəyişməz bir qayda dayanır: təhlükəsizlik. Yolda səni gözlənilməz hallardan qoruyan ən vacib avadanlıq isə şübhəsiz ki, motosiklet dəbilqəsidir.
Bəs minlərlə çeşid arasından özün üçün ən doğru və təhlükəsiz dəbilqəni necə seçməlisən? Gəl, Motoverse ilə diqqət etməli olduğun əsas məqamlara birlikdə nəzər salaq.
- Dəbilqə növlərini tanı!
Ehtiyacına və sürüş tərzinə uyğun qəbilqəseçmək ilk addımdır.
- Full-Face (Tam Bağlı) dəbilqələr: Çənə də daxil olmaqla bütün başı əhatə edir. Təhlükəsizlik səviyyəsi ən yüksək olan modeldir.
- Modular (Açılan Çənə) dəbilqələr: Çənə hissəsi yuxarı qalxan bu dəbilqələr həm rahatlıq, həm də yüksək müdafiə axtaranlar üçün idealdır.
- Open-Face (Açıq) dəbilqələr: Çənə qoruması olmur. Aşağı sürətdə və şəhəriçi sürüşlərdə rahatlıq təmin etsə də, müdafiə dərəcəsi daha aşağıdır.
- Off-Road dəbilqələri: Torpaq yollarda sürmək üçün xüsusi günəşlik və havalandırma sisteminə malikdir.
- Təhlükəsizlik sertifikatlarını yoxla!
Dəbilqənin dizaynı nə qədər cəlbedici olsa da, əsas məsələ onun zərbəyə dözümlülüyüdür. Seçim edərkən beynəlxalq təhlükəsizlik standartlarına cavab verdiyinə əmin ol. ECE 22.05 / ECE 22.06 (Avropa) və ya DOT (ABŞ) sertifikatları dəbilqənin ciddi təhlükəsizlik testlərindən keçdiyini göstərir.
- Doğru ölçünü seç!
Dəbilqə başına nə çox sıx oturmalı, nə də boş qalmalıdır. Ölçünü necə təyin etməli? Alınının ortasından (qaşların təxminən 2 sm üstündən) santimetrlə başının çevrəsini ölçə bilərsən.
Doğru oturuş qaydasına əsasən yeni aldığın dəbilqə yanaqlarını bir az sıxmalıdır, lakin başda kəskin ağrı yaratmamalıdır. Başını sağa-sola hərəkət etdirəndə dəbilqə başından asılı olmadan fırlanmamalı, başınla birgə hərəkət etməlidir.
- Material və havalandırmasına diqqət et!
Dəbilqənin çəkisi və hava axını uzun səfərlərdə sənin rahatlığına birbaşa təsir edir. Materialın polikarbonat, fiberqlas və ya karbon-fiber olması tövsiyə olunur. Karbon dəbilqələr həm çox yüngül, həm də maksimum dözümlüdür. Xüsusilə, isti havalarda şüşənin tərləməməsi və rahat nəfəs almağın üçün havalandırma kanallarının keyfiyyətinə diqqət yetir.
Keyfiyyətli təchizatı haradan almalı?
Doğru dəbilqəni seçmək təhlükəsiz sürüşün ilk və ən vacib addımıdır. Öz təhlükəsizliyini təsadüfə buraxma və yalnız sertifikatlaşdırılmış, keyfiyyətli məhsullara üstünlük ver. Bunun üçün də “Motoverse”ün saytında və mağazsında özünə uyğun çeşidlərə nəzər sala bilərsən.
