İlk motosikletini alanların etdiyi 10 ən böyük səhv
Motosiklet almaq həyəcanverici bir təcrübədir, amma bu həyəcan bəzən vacib nüansları gözünüzdən qaçırmağa məcbur edə bilər. Həm cibini, həm də təhlükəsizliyini qorumaq üçün ilk motosikletini alanların ən çox etdiyi 10 böyük səhvi səninlə paylaşırıq.
1. Güclü və böyük həcmli motosikletlə başlamaq
İlk motosikletin olaraq 600cc və ya daha yüksək mühərrikli bir model seçmək ən təhlükəli səhvlərdən biridir. Qaz qolundakı kiçik bir diksinc, təcrübəsiz sürücü üçün nəzarətin itirilməsi ilə nəticələnə bilər. Öyrənmək üçün daha aşağı həcmli və bağışlayan modellərə üstünlük ver.
2. Ekipajı unutmaq və ya ikinci plana atmaq
Bütün büdcəni motosikletin özünə xərcləyib kaskasız və ya keyfiyyətsiz ekipajla yola çıxmaq böyük riskdir. Yaxşı kaska, gödəkçə, əlcək və çəkmə həyatın üçün vacibdir.
3. Ekipajı yalnız görünüş üçün seçmək
Sırf cəlbedici görünür deyə təhlükəsizlik standartlarına (ECE, DOT və s.) cavab verməyən kaska və ya qoruyucusu olmayan gödəkçə alma. Ekipajın əsas funksiyası səni qorumaqdır. Motoverse daha təhlükəsiz aksesuarları ilə sənə dəstəkdir.
4. Peşəkar təlim keçməmək
“Dostum öyrədər” və ya “velosiped sürə bilirəmsə, bunu da sürərəm” düşüncəsi yanlışdır. Motosiklet idarəetməsi xüsusi texnika, balans və tormozlama bilikləri tələb edir. Müdafiə xarakterli sürüş təlimi almaq həyat qurtarır.
5. Baxım və xaxlama xərclərini nəzərə almamaq
Motosiklet almaqla iş bitmir. Zəncir yağlanması, yağ dəyişimi, təkər təzyiqi və mövsümi baxımlar mütəmadi xərc və diqqət tələb edir. Bu xərcləri öncədən planlaşdırmalısan.
6. Sürət həddini və düzgün qiymətləndirməmək
Özünə həddindən artıq güvənmək (və ya əksinə, həddən artıq qorxmaq) qəza riskini artırır. Öz limitlərini bilməli, təcrübə qazanana qədər riskli manevrlərdən və yüksək sürətdən qaçmalısan.
7. Arxa tormozdan asılı qalmaq
Velosiped vərdişindən qalan bu səhv çox yayğındır. Motosikletdə əsas tormoz gücü ön tormozdadır. Düzgün tormozlama texnikasını (ön və arxa tormozun balanslı istifadəsini) əvvəlcədən təhlükəsiz şəraitdə məşq etməlisən.
8. Hava şəraitini iqnor etmək
İlk dəfə yağışlı, külli və ya soyuq havada motosiklet sürmək gözlədiyindən daha çətin ola bilər. Təkərlərin asfaltla yol tutuşu azalır. Havanı öncədən yoxlamadan uzun yola çıxma.
9. Yanlış baxış bucağı
Motosiklet hara baxırsansa, ora gedir. İllərlə sübut olunmuş bu qaydanı unutma. Təhlükə anında maneəyə deyil, qaçış marşrutuna (çıxış yoluna) baxmağı vərdiş halına gətirməlisən.
10. Yanlış motosiklet növü seçmək
Sırf şəkildə qəşəng görünür deyə ehtiyacına uyğun olmayan (məsələn, şəhər içi gündəlik istifadə üçün çox ağır bir çoper və ya narahat bir sport-bayk) model almaq. İlk öncə motosikletdən hansı məqsədlə istifadə edəcəyini müəyyənləşdir.
İkitəkər dünyasında təhlükəsiz və keyfiyyətli bir başlanğıc etmək, düzgün motosiklet və ekipaj seçimi haqqında daha çox məlumat almaq üçün Motoverse-ə baş çəkə bilərsən. Yolun açıq olsun!
